LÆRT 2025 verður haldið dagana 13.-15. nóvember 2025 í Menntaskóla Borgarfjarðar. Gisting er í boði á Hótel Vesturlandi beint á móti skólanum.
Gert er ráð fyrir að ráðstefnugestir mæti á fimmtudegi og séu sjálfum sér nóg um mat á fimmtudeginum, en boðið verður upp á drykk á hótelinu það kvöldið.
Ráðstefnan hefst föstudagsmorguninn kl. 9 og stendur til kl. 16. Boðið verður upp á hádegismat á ráðstefnusvæðinu. Um kvöldið er svo sameiginlegur kvöldmatur á hótelinu. Hvort tveggja er innifalið í ráðstefnugjaldinu. Ráðstefnan heldur svo áfram laugardagsmorguninn og stendur til hádegis svo ráðstefnugestir hafi tök á að komast aftur heim samdægurs.
Skráningarfrestur fyrir hótelgistingu lýkur 5. september en skráning fer fram hér: tinyurl.com/laert-2025
Fimmtudagur 13. nóvember
16:00-19:00
Skráning og uppsetning bása í Menntaskóla Borgarfjarðar
20:00-22:00
Móttaka á Hótel Vesturlandi og spjall
Föstudagur 14. nóvember
08:30–09:00
Skráning og morgunkaffi
09:00–09:20 Setning ráðstefnu – Stutt ávarp og yfirlit yfir dagskrá
09:20–10:20 Vinnusmiðjur – Lota 1
- Skapandi stærðfræði (Ósk Dagsdóttir)
- Áhugasviðsverkefni (Jónína Ómarsdóttir)
- Vísindi í Stapaskóla (Brynja Stefánsdóttir)
10:20–10:40 Kaffihlé og tengslamyndun
10:40–12:00 Málstofur
12:00–13:00
Hádegishlé
13:00–14:40 Menntabúðir
14:40–15:40 Vinnusmiðjur – Lota 2
- Hugsandi skólastofa (Eyþór Eiríksson)
- Uppgötvanir í Urriðaholti (Sigrún Edda Halldórsdóttir)
- Verkelgar æfingar á yngsta stigi (Svava Pétursdóttir)
15:40–16:00 Sameiginlegt uppbrot: Tengslamyndun í gegnum skapandi áskorun
19:00-22:00
Sameiginlegur kvöldmatur á Hótel Vesturlandi
Laugardagur 15. nóvember
09:00–09:15
Sameiginlegt upphaf dags
09:15–10:30 Vinnustofur – Lota 3
- Töfrar stærðfræðinnar (Guðbjörg Helga Guðmundsdóttir)
- Elliðaárstöð (Edda Björnsdóttir og Margrét Hugadóttir)
- Leikur að rafmagni (Martin Jónas B. Swift)
10:30–10:50 Kaffipása
10:50–11:40 Sameiginleg málstofa: Framtíðarsýn
11:40–12:00 Lokaorð og næstu skref
12:00-14:00
Frágangur og brottför